57. கலைவாணி களவானியான கதை பாகம் 2

கலைவாணி களவானியான கதை பாகம் 2
சும்மா பொழுது போகலைனு நம்ம சோக கதையை சொன்னா எல்லாரும் ரொம்ப ஆர்வமா இருக்காங்க. சரி இன்னைக்கு இதை முடிச்சிடுவோம். எதில விட்டேன். ஆங்...கணிணி முன்னாடி உட்காந்தப்ப. என்னடா இது இப்படி தப்பு நடந்திடுச்சே என்ன செய்யலாம்னு யோசிச்சேன். சரி நாம தான் நீதி கேட்டு மதுரையை எரிச்ச கண்ணகி பரம்பரையாச்சே. இதுக்கு கண்டிப்பா நீதி கேட்கனும்னு முடிவு பண்ணினேன்.
சரி நம்ம கிட்ட தான் இண்டர்நெட் இருக்கேனு அமீரக இந்திய தூதரக வலைக்கு போய் பெரு.....சா ஒரு குற்ற பத்திரிக்கை தாக்கல் பண்ணியாச்சு. சரி பதில் சொல்லுவாங்கனு பாத்தா ரொம்ப சீக்கிரமா ஒரு வாரம் கழிச்சு இதெல்லாம் எங்களுக்கு சாதாரணம். பெரிய விஷயம் இல்லைனு பதில் வருது.
சரினு மீண்டும் என்னோட ஆள்கிட்ட கெஞ்சி கூத்தாடி திரும்ப ஒரு நாள் விடுப்பு எடுத்து அங்க போயாச்சு. அங்க ஒரு இந்தி பேசுற ஒரு ஆள்கிட்ட விவரத்தை நான் தான் சொன்னேன். ( தங்க மச்சான் இந்தி பேசுறதுல ????????? மாதிரி ஒரு சீறும் சிறுத்தை). நம்ம பொளந்து கட்டிருவமில்லை.
'ஓ நீதானா அது' என்பது போல ஒரு கொலை வெறியோட பாத்தார் என்னய. என்க்கு ஒன்னும் புரியல. சரி உட்காருங்கன்னாரு. உட்காந்தோம், உட்காந்தோம், உட்காந்துகிட்டே இருந்தோம். அங்க இருந்த ஒரு மலையாளி சேட்டன் எங்களையே பரிதாபமா (?) வேற பாத்துக்கிட்டே இருந்தாரு. அந்த இந்தி பேசறவர் அதோட நகல் வேனும், இதோட நகல் வேனும்னு ஜவ்வா இழுத்து அடிச்சாரு. கடைசியா பாத்தா கையெழுத்து போடரவரு வரலை நாளைக்கு வாங்கனு சொல்லிட்டாரு.
இங்கே என்னோட கணவருக்கு இரத்தம் 100 'C ல கொதிக்குது. நாளைக்கும் லீவு போடனும்னு. சரி தலையெழுத்துனு மறுநாள் போய் எல்லாம் சரியா இருக்கானு பாத்து வாங்கியாச்சு.
அப்பாடானு திரும்பி போறப்ப அந்த மலையாளி சேட்டன் வந்து உடைந்த தமிழ்ல சொன்னாரு. " உங்களுக்கு நேத்தே ஈஸியா முடிஞ்சிருக்கும். ஆனா நீங்க ஒரு மெயில் அனுப்பினிங்க பாருங்க. அதுதான் வினையே"னு.
என் கணவர் அப்ப என்ன பாத்தாரு பாருங்க. அடுத்த ஒரு மாசமும் கணிணிய தொட விடலையே!
டிஸ்கி 1 : கஷ்டப்பட்டு இரண்டு பதிவு போட்ருக்கேன். நீங்களும் கொஞ்சம் திட்டிட்டு போங்க.
டிஸ்கி 2 : ( தங்க மச்சான் இந்தி பேசுறதுல ????????? மாதிரி ஒரு சீறும் சிறுத்தை) இதுல ????????? யாருனு நீங்க தான் சொல்லனும். இது உங்கள் சாய்ஸ்